Papa Francis asogeza mbele kusamehewa kwa wanawake wanaotoa mimba

 

Kiongozi wa kanisa katoliki duniani Papa Francis amesogeza mbele kwa muda usiojulikana suala la mapadre wa kikatoliki duniani kusamehe wanawake walitoa mimba.

Mwaka jana aliwaruhusu mapadre kufanya hivyo kwa kipindi ambacho kilitajwa kama mwaka wa huruma ya Mungu kilichoisha Jumapili iliyopita.

Hapo awali maaskofu peke yao ndio waliokuwa na uwezo wa kuwasamehe wanawake waliotoa mimba.

Baba mtakatifu amesisitiza kwamba mafundisho ya kikatoliki yanaonyesha kwamba utoaji mimba ni kosa kubwa, lakini kiongozi huyo ameeleza kwamba Mungu ni mwenye huruma na anaweza kusamehe dhambi zote ikiwa mkosaji atatubu.

Kiongozi huyo wa kanisa katoliki duniani amesema anaelewa jinsi suala la utoaji wa mimba linavyoweza kuwa tatizo kimaadili kwa mwanamke.
 Toa maoni yako.

Obama: Sitanyamaza wakati wa utawala wa Trump

 

Rais wa Marekani anayeondoka Barack Obama amesema huenda akazungumza, kinyume na utamaduni wa siasa Marekani, iwapo mrithi wake Donald Trump atatishia "maadili muhimu" ya Marekani.

Huwa desturi kwamba marais wa zamani wa Marekani huwa hawajiingizi sana katika siasa baada ya kuondoka madarakani na huwa hawazungumzi kuhusu warithi wao.

 Akiongea katika kikao na wanahabari wakati wa mkutano wa nchi za Asia na Pasifiki (Apec) mjini Lima, Peru.

Lakini amesema kwamba, kama raia, huenda akalazimika kuzungumza kuhusu baadhi ya mambo.

 "Ninataka kuiheshimu afisi na kumpa rais mteule fursa ya kueleza msimamo wake na mipango yake bila mtu kujitokeza kumkosoa," Bw Obama alisema.

Lakini akaongeza, kwamba iwapo suala "litagusa maadili muhimu ya Marekani na imani yetu, na nafikiri kwamba inahitajika au itafaa kwangu kutetea maadili hayo, badi nitalitathmini wakati huo".

Kisha, amejieleza kama "raia wa Marekani anayejali sana taifa".

Akiongea katika kikao cha wanahabari wakati wa kufungwa kwa mkutano mkuu wa viongozi wa Apec, Bw Obama amesisitiza kwamba ataonyesha utaalamu kwa kundi la Bw Trump wakati wa mpito sawa na ilivyofanyika kwa kundi lake wakati wa kuondoka kwa mtangulizi wake George W Bush.

Bw Bush, tangu aondoke madarakani, amejizuia kuzungumzia utawala wa Bw Obama. "Sidhani hilo linasaidia kwa vyovyote," aliambia CNN mwaka 2013, baada ya Obama kuchaguliwa kwa mara ya pili.

"Ni kazi ngumu. Ana mambo mengi ya kushughulikia kwenye ajenda yake. Rais wa zamani hafai kuyafanya mambo kuwa magumu zaidi kwake. Marais wengine wa zamani wamechukua uamuzi tofauti; huu ni wangu."

Msimamo wa Bw Bush unafuata desturi, ambapo marais wa Marekani huwa wanajiepusha kuwakosoa watangulizi au warithi wao.

Bw Obama alisema wazi kwamba hataingilia msimamo wa Bw Trump kabla ya muhula wake kumalizika Januari mwakani.

Lakini ufafanuzi wake kwamba, atakapokuwa raia wa kawaida, atatetea "maadili muhimu", ameutoa huku kukiendelea kuwa na wasiwasi miongoni mwa makundi ya kutetea haki za kiraia kuhusu watu wanaoteuliwa na Bw Trump kushikilia nyadhifa kuu katika serikali yake.

Mwanasheria mkuu aliyeteuliwa na Bw Trump, Jess Sessions, alizuiwa kuhudumu kama jaji wa dola mwaka 1986 kwa sababu ya kutoa matamshi ya ubaguzi wa rangi.

Bw Obama amesema anaamini majukumu makuu ya urais yatamlazimu Bw Trump kulegeza baadhi ya sera zake kali ambazo alizitetea wakati wa kampeni.

'Kushindwa kwa Democratic'
Alipoulizwa kuhusu kushindwa kwa chama cha Democratic chini ya Hillary Clinton, Bw Obama alikosoa kampeni zilizolenga "makundi fulani", badala ya kukumbatia taifa lote.

Bi Clinton amekosolewa kwa kuangazia sana watu wa jamii fulani, wakiwemo Walatino na wanawake, ambao waliaminika kumuunga mkono badala ya watu wote.

Njia kama hiyo "haitakusaidia kushinda uungwaji mkono wa watu wengi kama inavyohitajika," Bw Obama alisema na kuongeza kwamba chama hicho kilihitaji "ujumbe bora zaidi".Toa

maoni yako.

Mwanamke anayejiita 'mungu' aliyewapiga watu risasi India

 

Polisi nchini India wanamtafuta Sadhvi Deva Thakur, mwanamke aliye mafichoni baabda ya kufyatua risasi za kusherehekea kwenye harusi

Shaghaziye bwana harusi aliuawa huku watu wengine watatu wakijeruhiwa vibaya.

Kwenye video ya tukio hilo lililotokea siku ya Jumanne katika jimbo la Kaskazini la Haryana, Sadhvi Deva Thakur anaonekana akifyatua risasi akitumia bunduki aina ya revolver.

Baadhi ya walinzi wake nao wanaonekana wakifyatua risasi.

Vyombo vya habari nchini India vinasema kuwa Sadhvi, ambalo ni jina la kiindi linalomaanisha mwanamke aliye mtakatifu au anajiita kuwa mungu alingia sakafuni, ambapo alimuomba DJ kucheza wimbo aliotaka na akaanza kucheza densi.

Wakati huo ufyatuaji risasi ulikuwa ukiendelea.

Ripoti zinasema kuwa familia za bibi na bwana harusi zilimuomba awache maombi yao yaliambulia patupu.

Ni wakati shangaziye bwana Harusi mwenye umri wa miaka 50 alianguka baada ya kupigwa risasi na wengine watatu kujeruhiwa vibaya, ndipo ufyatuaji huo ukasitishwa.

Wakati huo Sadhvi na walinz wake sita walitoweka. Polisi wamewafungulia kesi ya mauaji na wanajaribu kuwatafuta watu hao saba.

Toa maoni yako.

Mpaka viatu rangi anayevuna kuliko wafanyakazi wa umma

 

 Idris anasema kuwa yeye hupata karibu dola tano kwa siku.

Idris, raia wa Nigeria mwenye umri wa miaka 21, amekuwa akipaka viatu rangi kwa muda wa miaka mitatu sasa.

 
Huwa anazunguka mitaa ya mji wa Abuja akiwatafuta wateja ambao wangependa viatu vyao kushonwa au kupakwa rangi.

 Idris hana kisomo lakini hajutii hilo. Anasema kuwa hupata karibu dola 5 kwa siku na kuongeza kuwa kipato chake cha mwezi mzima ni cha juu kuliko cha wafanyakazi wengine wa umma, ambao mishahara yao ni kati ya dola 125 na 190.

 Ndoto ya Idris ni kumiliki kiwanda kikubwa cha kutengeneza rangi ya viatu, lakini kwa sasa ameamua kuwa mpaka viatu rangi kwenye mitaa ya mji wa Abuja.

Toa maoni yako.

 

Jiwe lenye amri 10 za Mungu lauzwa Marekani

 

Jiwe la kale zaidi lenye amri kumi za Mungu limeuzwa kwenye mnada nchini Marekani kwa dola 850,000.

Jiwe hilo ambalo lina urefu wa sentimita 60 limeandikwa kwa lugha ya kiyahudi
Liliuzwa katika soko la mnada huko Los Angeles, kwa masharti kuwa litawekwa kwa umma kuliona.

Jiwe hilo liligunduliwa mwaka 1913, wakati wa ujenzi wa reli karibu na mji wa Yavneh ulio nchini Israel.

Wauzaji wanasema kuwa jiwe hilo ni la kutoka miaka ya 300 na 500 AD.

Amri ambayo haionekani kwenye jiwe hilo ua "Usitumia jina la Mungu kwa njia isiyostahili" sasa pameandikwa kwa kutoa wito kwa waumini wa Samaria wakitakiwa kujengwa kwa hekalu katika mlima Gerizim, eneo takatifu juu ya mji wa Nablus, ambayo ndio sasa Ukingo wa Magharibi.

Jamii ya Samaria ina historia ndefu eneo la Mashariki ya Kati, licha watu hao kutoweka ahadi chini ya watu 1000 miaka ya hivi karibuni.

Mwanamume mwenye HIV aliyefanya mapenzi na wanawake 104 Malawi

 

Uamuzi wa kesi ya mwanamme mmoja nchini Malawi inatarajiwa kutolewa wiki hii, baada ya kuiambia BBC kuwa alifanya mapenzi na wasichana kama sehemu ya mila.

Eric Aniva alikamatwa mwezi Julai kufuatia amri ya rais, baada ya kukiri kuwa alifanya mapenzi yasiyo na kinga na wasichana walio na umri wa hadi miaka 12, na kuwa kimya juu ya hali yake ya kuugua ugonjwa wa ukimwi.

Aniva anasema kuwa alipewa vibarua na familia za wasichana hao kushiriki mapenzi nao, kwa tamaduni ambayo jamii inaamini kuwa huwezesha wasichana kuingia utu uzima.

"Tunaamini kuwa ikiwa mjane au mwanamme aliyefiwa hawezi kusafishwa kwa njia ya mapenzi, huenda kisa kibaya kikafuatia kama kifo kwa mjane au mwanamme aliyefiwa au kwa ukoo mzima," alisema mhudumu mmja wa jamii.

Wakati rais wa Malawi Peter Mutharia aliamrisha mwanamme huyo akamatwe, alitaka Aniva ashtakiwe kwa kuwabaka wasichana wadodgo, lakini hata hivyo hakuna msichana aliyejitokeza kutoa ushahidi dhidi yake.

Kwa hivyo sasa Aniva ameshtakiwa kwa kushiriki utamaduni wenye kuumiza, chini ya kipengele cha chatatu cha sheria ya usawa wa kijinsia nchini Malawi ambapo alifanya mapenzi na wajane.

Katika kesi hii wanawake wawili wamejitokeza ili kutoa ushahidi dhdi ya Aniva, licha ya mmoja kusema kuwa alifanya mapenzi naye kabla ya mila hiyo kupigwa marufuku huku mwingine naye akisema kuwa alifanikiwa kukimbia kabla ya kitendo cha ngono kufanyika.

Hadi miaka michache iliyopita, mila hii ilikuwa maarufu katika wilaya yote kwa mjane kufanya mapenzi na mwanamme mara tatu kwa siku kwa usiku tatu au nne.

Mwanamme huyo anaweza kuwa ndugu wa mmewe, lakini wakati mwingine mtu kutoka nje hutafutwa kama Aniva kuweza kushiriki kitendo hicho.

Ikiwa aliyefiwa ni mwanamme, mwanamke hutafutwa kuweza kufanya mapenzi naye.

Kinachowatisha watu nchini Malawi kuhusu Aniva, ambaye alidai kufanya mapenzi na wanawake 104 pamoja na wasicha, wakati wa mahojiano na BBC ni kuwa hukuachana na tabia hiyo licha ya kugundua kuwa alikuwa na virusi vya HIV.

"HIV inaua. Itakuwaje mtu mwenye virusi kufanya kile alichokifanya? Nafikiri yeye ni shetani. Ningekuwa hakimu ningempa hukumu ya kifo na kifungo cha maisha," alisema mhubiri Paul Mzimu.


Toa maoni yako.

Babu wa miaka 89 ajichimbia kaburi Canada

 

Mzee wa umri wa miaka 89 nchini Canada amegonga vichwa vya habari nchini humo baada yake kujichimbia kaburi.

Mzee huyo bado yuko buheri wa afya.

"Huwa napenda kuchimba," Jimmy Kickham, kutoka kisiwa cha Prince Edward Island, aliiambia CBC News.

Ameongeza kwamba anajivunia kukamilisha mradi huo wake wa kibinafsi.

Bw Kickham, ambaye anamiliki kazi ya ujenzi, amekuwa akichimba makaburi ya wengine pamoja na mitaro kwa zaidi ya miaka 60.

"Siku moja, niliamua kwamba nikifanikiwa kutimiza miaka 90 ningejichimbia kaburi langu."

Bado ana afya nzuri na atatimiza umri wa miaka 90 siku ya Alhamisi.

"Huwa napenda kuchimba. Ni moja ya mambo ambayo yamo kwenye mwili wake. Ni kazi tu. Pesa. Nilikuwa nachimba kila walichotaka nichimbe, ninaweza," aliambia shirika la utangazaji la Canada.

Bw Kichkam bado huwa anfanya kazi, akitumia trekta alilonunua miaka 45 iliyopita.

"Si jambo la ajabu kwangu kuchimba kaburi, ni kawaida. Nimeyachimba makaburi mengi, Mungu ndiye ajuaye," anasema.

Hata hivyo anaeleza kwamba ilichukua muda kwa familia yake kukubali mpango huo wake.

"Nilienda kwa padri kwanza na kisha kwa msimamizi wa mazishi na kupata vipimo, ingawa tayari nilijua vipimo kutokana na makaburi niliyoyachimba awali," anasema.

Anataka kuzikwa kitamaduni, ambapo sanduku la msonobari huwekwa kaburini mapema kabla ya maziko yenyewe.

Eric Gallant, mfanyakazi katika kanisa la St Alexis, Rollo Bay, anasema hajawahi kushuhuria kisa kama hicho awali.

"Kitu pekee ambacho sasa hakipo ni jeneza tu," anasema.
"Na mimi!" Bw Kickham aliongeza upesi.

Toa maoni yako.

Waliomtia' mtu Mweusi kwenye jeneza akiwa hai washtakiwa

 

Mtu mweusi nchini Afrika Kusini ambaye alidaiwa kulazimishwa kuingia katika jeneza na wakulima wawili weupe kwa kupita katika shamba lao amesema kuwa anahofia maisha yake.

Victor Mlotshwa alikuwa akizungumza nje ya mahakama ya mji wa kaskazini mashariki wa Middelburg ambapo waliotaka kumshambulia waliwasilishwa katika mahakama.


''Nilidhani wataniua'',alisema.

Kanda ya video ya dakika 20 iliorekodi kisa hicho imekuwa ikisambaa katika mitandao ya kijamii nchini Afrika Kusini.

Mwandishi wa BBC Pumza Fihlani huko Middelburg anasema kuwa ndani ya mahakama hiyo ,washtakiwa hao ,Theo Martins Kackson na Willem Oosthuizen,walisimama wakiwa wameinamisha vichwa vyao chini huku waandishi wa habari na raia wakichukua picha zao.

 

Wameshtakiwa kwa kumteka nyara na kumshambulia kwa lengo kumjeruhi vibaya.Hawajakubali ama kukana mashtaka hayo.

Wawili hao wanazuiliwa hadi tarehe 25 Januari huku waendesha mashtaka wakisema kwamba walihitaji muda zaidi kuchunguza ,ikiwemo kuthibitisha video hiyo.


Mamake bw Mlotshwa alijawa na hasira na kushindwa kujizuia wakati wa kusikizwa kwa kwesi hiyo.Nje ya mahakama kulikuwa na kelele za wafuasi wa vyama vikuu nchini humo huku #RacismMustFall ikisambazwa katika mitandao ya kijamii.

toa maoni yako.

 

Harusi ya dola milioni 74, yazua hasira

 

Harusi moja ya kifahari nchini India ya binti ya mwanasiasa mmoja imezua ghadhabu ya umma, kutokana na gharama yake wakati mamilioni ya raia wakiwa maskini.

Harusi hiyo iliyofanyika kwa siku tano ilifadhiliwa na mwekezaji mashuhuri ambae pia alikua Waziri katika jimbo moja India, G Janardhana Reddy.

Mwanasiasa huyo aliandaa kwa heshima ya binti yake aliyekua bibi harusi bi, Brahmani na iligharimu dola milioni 74.

Kadi za mwaliko ziliremebeswa kwa dhahabu, huku wageni wakitumbuizwa na wasanii kutoka Bollywood.

Watu wengi wamelalamikia harusi hiyo kama kejeli kwa masikini na onyesho la utajiri.

Ilifanyika wakati serikali ya India ilipotangaza kuondoa sarafu ya rupee ya 500 na 1000 kama hatua ya kuchunguza mali iliyopatikana kwa njiya isiyo halali.

Mamilioni ya raia wa India wamekua wakipiga foleni kubadilisha sarafu zao na wengi wamelalamikia hatua ya serikali.Harusi nchini India huwa za kifahari na gharama zote hulipiwa kwa pesa taslimu.

Bwana Reddy ametetea heshima yake kwa bintiye akisema ilimbidi kuuza baadhi ya mali zake zilizoko, Bangalore na Singapore ili kugharamia harusi hiyo. Aidha amesema malipo yote yalifanyika miezi sita kabla ya harusi kufanywa.

Licha ya kujitetea , raia wengi wamelalamikia kwenye mitandao ya kijamii.

Baadhi ya wakosoaji wa serikali wametaka chama tawala cha Waziri Mkuu Narendra Modi cha 'Bharatiya Janata Party' {BJP}, kuwachunguza wanachama wake dhidi ya ufisadi.

Bwana Reddy aliwahi kufungwa jela miaka mitatu kwa makosa ya ufisadi. Aliachiwa huru kwa dhamana mwaka uliopita. Hekalu ambapo harusi hiyo iliandaliwa zilirembeshwa kwa dhahabu na michoro maalum iliyotungwa na waandaa filamu kutoka Bollywood.

Kuna magari maalum ya kifahari pia iliyowasafirisha wageni waalikwa. 

Harusi ghali zaidi duniani

Hapa ni baadhi ya harusi ghali zaidi duniani:

Vanisha Mittal, bintiye mtu wa pili kwa utajiri India Lakshmi Mittal, alimuoa Amit Bhatia katika sherehe iliyogharimu $74m mwaka 2004.

Harusi ya Mwanamfalme Charles na Diana wa Uingereza mwaka 1981 iligharimu £30m ($37.2m), kwa fedha za sasa ni karibu £116m. Harusi ya mwana wao William na Kate Middleton iligharimut £20m, according to the Daily Mail.

Harusi ghali zaidi ilifanyika Urusi mwezi Machi, kati ya mwana wa bilionea Said Gutseriev aliyemuoa Khadija Uzhakhovs mjini Moscow. Alitumia $1.2m kwa mavazi ya harusi pekee.

 Wageni walitumbuizwa na watu wanamuziki watatu mashuhuri: Jennifer Lopez, Sting na Enrique Iglesias. Gharama ilikuwa dola bilioni kadha.

Q Chilla hawezi kusahau haya!

 

 Mwanamuziki huyo mwenye sauti ya kumtoa nyoka pangoni na miongoni mwa waimbaji wazoefu nchini,anasema hawezi kuyasahau mambo yaliyomtokea nyuma ambayo akiyakumbuka hupatwa simanzi.

Ni wachache ambao hukataa ukweli katika mlolongo mzima wa maisha aliyopitia, pengine kwa kutaka kujisahulisha ama kujisikia vibaya.

 MAMBO YAPI?

La kwanza pale akiwa na umri wa miaka 10 alimpoteza mama yake mkubwa akiwa ughaibuni nchini Butswana.

Aliamini kuwa huyo ndo mama yake mzazi kumbe mama yake alifariki zamani yeye akiwa  bado kinda .
Mama huyo alimpenda sana na kumdekeza na kuamini kuwa yeye ndo mama yake mzaz,
ndoto zake zilikatika  kwa kuondokewa kwa kipenzi chake .

Toa maoni yako.

Nyamagana sasa ng’aring’ari

Kuna matukio kadhaa yaliyotokea kwenye uwanja huo wa jijini hapa kiasi kwamba hata ulipotelekezwa na mamlaka uliwafanya mashabiki wa soka kusononeka kwa kuona inakuwaje?

Kwasasa uwanja huo umekarabatiwa na Novemba 30 utakabidhiwa rasmi ili kuanza kutumika tena .


Toa maoni yako.

HATARI! Kumbe Rose Muhando ana balaa namna hii!

 

UNAPOWAZUNGUMZIA WASANII WA NYIMBO ZA INJILI AMBAO NI MAARUFU AFRIKA MASHARIKI NA KATI BASI JINA LA ROSE MUHANDO HALITOKOSEKANA .

ROSE AMEJIZOLEA UMAARUFU KUTOKANA NA STAILI YAKE YA KUIMBA KWA HISIA .
HATA HIVO ROSE AMEKAA KIMYA HUKU AKIACHA MASWALI KWA MASHABIKI WAKE.



YUKO WAPI?

ROSE AMESEMA KWA SASA AMEJIHAMISHIA MAKAZI YAKE DODOMA ANAKOFANYA SHUGHULI ZAKE ZINAZOMUINGIZIA KIPATO .

KAACHA MZIKI?

KWA UPANDE WA MZIKI HAJAACHA KWANI MZIKI UPO NDANI YA DAMU YAKE .SIKU SI NYINGI ATAACHIA VITU VIPYA MUKAE TAYARI.

UJUMBE KWA MASHABIKI

MASHABIKI ZAKE WAWE NA SUBIRA KWANI KATIKA MAISHA KUNA MUINGILIANO WA MAMBO MENGI.


Toa maoni yako.

Trump anavyokolea kwa mke wa Schweinsteiger

 

Makamu wa Rais wa zamani wa Serbia, Bi Ivica Dacic, ambaye kwa sasa ni Waziri wa Mambo ya Nje ameelezea jinsi Rais huyo mteule ambaye ni bilionea mkubwa alivyoshindwa kuficha tamaa yake ya jinsi anavyomhusudu mke wa Schweinsteiger, Ana Ivanovic.

Toa amoni.

Simba yaanza kulipa deni TRA

 

Habari kutoka ndani ya Simba, zimesema kuwa uongozi wa klabu hiyo unalipa kila mwezi Sh45 milioni ili kupunguza deni hilo ambapo wamekubaliana na Mamlaka ya Mapato nchini (TRA) kulipa pesa hiyo kwa awamu kutokana na hali ya uchumi ilivyo ndani ya klabu hiyo ya mtaa wa Msimbazi.

Toa maoni yako.

Wanafunzi chuo cha Kodi walilia mikopo

 

 Zaidi ya wanafunzi 300 wa mwaka wa kwanza katika chuo cha kodi jijini Dar es salaam ,jana walisababisha kitimtim cha aina yake baada ya kufika katika ofisi za gazeti la Nipashe wakilalamikia kukosa mikopo ya masomo yao. 

Toa maoni yako

Majaliwa amuumbua Makonda hadharani

 

Waziri Mkuu Kasim Majaliwa alimtaka Mkuu wa mkoa wa Dar es salaam,Paul Makonda kuacha kulalamika na badala yake ahakikishe anasimamia maagizo yanayotolewa na viongozi wa ngazi za juu wa serikali. 

Toa maoni yako.

Scorpion aacha mshangao kortini

 

Mtuhumiwa wa unyang'anyi wa kutumia silaha,Salum Njwete(34),maarufu kwa jina la 'Scorpion',jana alishangaza mahakama ya wilaya ya ilala,baada ya kutaka aiendeshe kesi yake kwa kasi anayotaka yeye.

Toa maoni yako.

Tanesco yapingwa kuongeza bei ya umeme

 

 Msimamo huo umetolewa kwenye mikoa ya Arusha,Mwanza,Dodoma na Mbeya ambako vikao vya kukusanya maoni ya wadau vimefanyika chini ya mamlaka ya udhibiti wa huduma za Maji Nishati(Ewura).

Orodha ya wadaiwa sugu HESLB yaibua mapya

 

                                      Mkurugenzi mtendaji wa HESLB,Abdul Razaq Badru



Dar es salaam,Orodha ya wadaiwa sugu wa bodi ya mikopo ya elimu ya juu (HESLB) ,imedaiwa kuwataja wanufaika ambao baadhi walishamaliza kulipa madeni yao.


Mpema wiki hii Mkurugenzi mtendaji wa bodi hiyo,Abdul Razaq Badru,alitaja kiasi cha fedha wanazodaiwa wanufaika hao 142,470 kuwa ni Sh2.39 bilioni. Hata hivo baadhi ya majina yaliyotolewa katika tovuti ya HESLB ikidai kuwa ni wadaiwa sugu,wametajwa kimakosa.



Pia ,yapo majina ya watu ambao hawajawahi kuomba mkopo na wengine waliosoma nje ya nchi.


Toa comment zako.

Serikali ipige marufuku viwanda feki vya pombe kali

 
 Toleo la gazeti Mtanzania liliripoti kuwa kiwanda feki cha kutengeneza pia konyagi feki na bidhaa zake kimegundulika Dar es Salaam baada ya Naibu Waziri wa Afya, Maendeleo ya Jamii, Jinsia, Wazee na Watoto, Dk. Hamisi Kigwangalla, kuvamia kiwanda hicho.


Kwamba tukio hilo lilitokea juzi baada ya Dk. Kigwangalla kwa kushirikiana na Maofisa wa Mamlaka ya Chakula na Dawa Tanzania (TFDA), Mamlaka ya Mapato Tanzania (TRA) na Tume ya Ushindani pamoja na Jeshi la Polisi kunasa kiwanda hicho bubu.

Kiwanda hicho kilinaswa kwenye nyumba ya mwanamke anayejulikana kwa jina moja la Koku maarufu ‘Mama Kareem’ eneo la Sinza Kijiweni, Dar es Salaam kikitengeneza pombe feki ya konyagi, viroba na pombe kali ya smirnoff.

Katika kiwanda hicho pia kulikutwa malighafi mbalimbali zinazotumika kutengenezea bidhaa hizo, likiwamo dumu kubwa lililokuwa limejaa gongo.

Vingine ni dumu la spirit lita 20, chupa tupu na zilizojazwa kwa ajili ya kusambazwa, vizibo vya chupa za konyagi na smirnof pamoja na vifungashio vya aina mbalimbali.

Meneja wa TFDA Kanda ya Mashariki, Emmanuel Alphonce, alisema kiwanda hicho kimebainika baada ya kupata taarifa kutoka kwa majirani wa mwanamke huyo ambao walitilia shaka mwenendo wa biashara alizokuwa akizifanya.

Kwamba kilikamatwa kiwanda kinachotengeneza konyagi feki huko Sinza, na kiwanda hicho kilikuwa kinatengeneza vinywaji hivyo kwa kutumia ‘spirit’ ambayo inachanganywa na gongo.

Kwamba bidhaa zilizokamatwa ni pamoja na dumu kubwa la kuhifadhia pombe na watu wawili ambao inasemekana ni wafanyakazi wa kiwanda hicho.

Tunapenda kutoa hadhari kwamba Novemba 8, mwaka huu, Waziri wa Viwanda, Biashara na Uwekezaji, Charles Mwijage, alisema Serikali inazishauri sekta binafsi kuanzisha viwanda vya kutengeneza gongo kwa viwango vya usalama na ubora.

Kwamba faida za gongo zinafahamika, wataalamu wake wana uwezo wa kujua faida ya kinywaji hiki ila tatizo ni usalama.

Kwamba atawaelekeza wataalamu hawa kuhakikisha kuwa kinywaji hicho kinatengenezwa kwa usalama. Waziri Mwijage aliyasema hayo bungeni hivi majuzi

Juzi mkulima wa kijiji cha Kingo, wilaya ya Kilwa mkoani Lindi alikutwa amefariki dunia ndani ya nyumba yake baada ya kunywa viroba vya konyagi.

Mkulima huyo anadaiwa kunywa pombe hiyo alipokuwa kwenye sherehe kijijini hapo.

Tunasema kuwa pamoja na tamko la Waziri Mwijage kuwa na nia nzuri, lakini utengenezaji wa ovyo na kumiliki viwanda feki vya kutengeneza pombe kali ni majanga ya kiafya.

Tunasisitiza kuwa ni majanga ya kiafya kwa sababu vijana wengi, wakiwamo waendesha magari na bodaboda, wanatumia vinywaji hivi feki na kusababisha ajali nyingi, mbali na kudhuru afya zao.

Tunashauri Serikali ifanye misako mingi nchi nzima kama msako uliofanywa Sinza Kijiweni na kuwakamata wenye viwanda hivi feki.

Tunadhani viwanda feki vinavyotengeneza konyagi feki na aina nyingine za pombe kali ni janga la kitaifa.

Tunasema viwanda hivi vipigwe maruku mara moja.

Toa comment zako.
 

Waziri atoa maagizo mazito Mwauwasa

 

 

WAZIRI wa Maji na Umwagiliaji, Gerson Lwenge, ametoa maagizo mazito kwa bodi mpya ya Mamlaka ya Majisafi na Usafi wa Mazingira Mkoa wa Mwanza (MWAUWASA). 

Ameitaka kuhakikisha inapanua mtandao wa kuwapatia wananchi huduma ya maji safi, majitaka na kupunguza upotevu wa maji unaofikia asilimia 37.

Pia ameziondolea halmashauri mbili za Ukerewe na Sengerema mamlaka ya kusimamia na kukusanya mapato ya miradi mikubwa ya maji.

Amesema badala yake Mwauwasa ndiyo itakayohusika moja kwa moja huku akisema kwamba uzoefu na historia za halamshauri nyingi nchini unaonyesha kutokuwa na usimamizi mzuri unaosababisha miradi kutokuwa endelevu.

Kauli hiyo aliitoa Mwanza wakati akizindua bodi mpya ya Mwauwasa ambayo itakuwa madarakani kwa miaka mitatu (2016/2019).

Alisema bodi hiyo ina jukumu la kuongeza kasi ya utoaji huduma ya majisafi kutoka asilimia 90 ya sasa na kufikia 95 ifikapo mwaka 2025.

Lwenge ifikapo mwaka 2020 Mwauwasa inapaswa kuwa imepiga hatua ya kusambaza miundombinu ya majitaka kutoka asilimia 25 ya sasa na kufikia 30.

Alieleza kusikitishwa na kiwango cha upotevu wa majisafi ambacho ni asilimia 37.

“Bodi hii ionyesha mabadiliko makubwa, kwanza iboreshe mishahara ya watumishi kwa lengo la kuongeza ufanisi wa kazi.

“Ni ukweli usiopingika Mwauwasa inafanya vizuri sana ndiyo maana kama wizara tumeamua kuikabidhi miradi mikubwa ya Nansio na Sengerema kuisimamia hadi kukusanya mapato, miradi mingine inayokuja ikikamilika tutaendelea kuiweka chini yao,” alisema.

Aliwataka wananchi kuacha tabia ya kutengeneza vyoo vya plastiki na mvua inaponyesha humwaga kinyesi kuelekea Ziwa Victoria jambo ambalo ni hatari sana kwa usalama wa jamii inayotumia maji hayo.

Akiwasilisha malalamiko kwa waziri huyo, Mwenyekiti wa Serikali ya Mtaa wa Bugarika Bendera tatu, Daniel Andrew alisema licha ya mradi kuwapo hapo, mashine inayosukuma maji imekuwa ikizimika mara kwa mara.

Akitoa ufafanuzi juu ya suala hilo, Mkurugenzi wa Mwauwasa, Antony Sanga alisema mradi huo ni miongoni mwa miradi ya dharura iliyoanzishwa kwa lengo la kupeleka maji sehemu zilizokuwa muhimu.

 

Toa comment zako.

 

uandikishwaji vitambulisho vya Taifa kuanza upya desemba 2016

Waziri wa Mambo ya Ndani, Mwigulu Nchemba

Serikali imesema utambuzi na uandikishwaji wa vitambulisho vya Taifa utaanza upya Desemba mwaka huu ili kusaidia kupunguza utitili wa vitambuliso . 

Kwa mujibu wa Waziri wa Mambo ya Ndani, Mwigulu Nchemba , zoezi hilo litasaidia kutoa suluhisho la kudumu la mishahara hewa kwa watumishi wa umma.

“Kuna watu wanatumia majina tofauti lakini kwa kutumia njia ya kielekrotoniki, alama za vidole zinatofautisha tunaamini kutumia alama za vidole ataendelea kutumbulika,”alisema Waziri Nchemba.

Amesema lengo la kufanya hivyo kwenye vitambulisho hivyo vitasaidia maeneo mengi kama bodi ya mkopo, mifuko ya jamii pia anaamini kutakuwa na uhusiano mzuri.

Ameongeza kuwa baada ya zoezi la watumishi wa umma wanakwenda kuendelea kutoa namba za utambuzi kwa wananchi na ‘data base’ tayari ipo waliyopewa na Tume ya Taifa ya Uchaguzi (NEC).

“Taasisi zitatumia utambuzi huu na zaidi ya taasisi 35 zimeanza kutumia taarifa zake kutoka NIDA na zingine zaidi ya 70 zimeonyesha nia ya kutumia taarifa hizo,”alisema.

Kwa upande wa NIDA, usahili wa awali walihakiki watumishi wa umma nchi mzima wapatao laki 565,000 na wengine bado kutokana na sababu mbalimbali.

Hadi sasa wamesajili wananchi milioni 3,900,000 na vitambulisho vya taifa milioni 2,700,000 ambavyo tayari vimezalishwa.

 

Toa comment zako.

 

 

Kesi zinazomkabili Lema ni pasua kichwa

 

Jopo la mawakili watano wajitosa kumtetea

KESI zinazomkabili Mbunge wa Arusha Mjini, Godbless Lema ni pasua kichwa. Ndivyo unavyoweza kusema baada ya mbunge huyo kufikisha nusu mwezi akiwa mahabusu bila kupewa dhamana. 

Wakati hali ikiwa hivyo, hatima ya kupata dhamana inatarajiwa kujulikana leo mbele ya Kaimu Jaji Mfawidhi wa Mahakama Kuu Kanda ya Arusha, Sekela Moshi.

Akizungumza mahakamani hapo jana, Wakili wa Lema, Sheck Mfinanga, alidai wamepokea barua kutoka Mahakama Kuu ikiwataka kufika mahakamani hapo Novemba 17, mwaka huu ili maombi yao waliyoyawasilisha yaweze kusikilizwa.

Wakili Mfinanga, alitaja maombi hayo kuwa wanaiomba Mahakama Kuu ipitie mwenendo na uamuzi wa kuzuia dhamana kwa mteja wao uliotolewa na Mahakama ya Hakimu Mkazi Arusha, mwishoni mwa wiki.

Alisema maombi hayo, yamepangwa kusikilizwa na Kaimu Jaji Mfawidhi Moshi ambaye tayari alikwishatoa barua ya wito kwa mawakili wa Serikali na magereza waliopewa hati ya kumpeleka Lema mahakamani.

Mfinanga alisema katika maombi hayo, upande wa utetezi unatarajiwa kuwasilishwa na jopo la mawakili wane ambao ni Tundu Lissu, Peter Kibatala, John Mallya na Charles Adiel.

“Maombi ya barua tuliyawasilisha juzi kwa Msajili wa Mahakama Kuu tukiiomba ifanye mapitio ya majalada ya kesi za jinai namba 440 na 441 ya mwaka huu.

“Miongoni mwa maombi tunayotaka, mahakama ipitie uamuzi uliotolewa na Hakimu Mkazi Desderi Kamugisha wiki iliyopita na madai ya mawakili wa Serikali kukata rufaa kabla hakimu hajamaliza kutoa uamuzi.

“Kwenye uamuzi Hakimu Kamugisha alitupa pingamizi zilizowasilishwa na mawakili wa Serikali, wakitaka mteja wetu asipewe dhamana. Na mpaka sasa bado tunahoji mawakili hao kukata rufaa kabla ya hakimu hajamaliza uamuzi wake,” alisema Mfinanga.

Alisema katika mwenendo na uamuzi huo uliokuwa na kurasa 22, hakimu mkazi alikuwa amefikia ukurasa wa 21 akiendelea kutoa uamuzi.

“Hakimu alisema mahakama inamwachia kwa dhamana, ikiwamo masharti atakayopangiwa mahakamani hapo. Lakini kabla hajaanza kutoa masharti ya dhamana, mawakili wa Serikali walikata rufaa, wakati walipaswa kusubiri uamuzi wa mahakama ukamilike na uamuzi huo utekelezwe ndipo wakate rufaa,” alidai.

Hakimu Mkazi Kamugisha hivi karibuni akisikiliza kesi ya Lema anayetuhumiwa kufanya uchochezi dhidi ya Rais Dk. John Magufuli alitoa uamuzi na kumwachia kwa dhamana mtuhumiwa Lema.

Kabla ya kuandika masharti ya dhamana, Wakili wa Serikali, Kadushi, alidai mahakamani kuwa wameshasajili kusudio la kukata rufaa Mahakama Kuu wakipinga uamuzi huo. Hatua hiyo ilimlazimu hakimu kufuta dhamana aliyokuwa ameiandika.



WAANDISHI WATISHWA

Katika hatua nyingine, usalama wa waandishi wa habari wanaoripoti kesi mbalimbali, zikiwamo zinazomkabili Lema, uko shakani baada ya jana kutishwa na askari magereza waliokuwa wamebeba silaha za moto.

Waandishi hao walifika katika Mahakama ya Hakimu Mkazi Mkoa wa Arusha kufuatilia kesi zinazomkabili mbunge huyo anayeshikiliwa Gereza la Kisogo mjini hapa baada ya kukosa dhamana kwenye kesi ya uchochezi dhidi ya Rais Magufuli.

Jana Lema na mkewe Neema, walifikishwa mahakamani hapo wakikabiliwa na kesi ya kudaiwa kumtumia ujumbe wa kumwita shoga Mkuu wa Mkoa wa Arusha, Mrisho Gambo.

Pia kesi nyingine, inamkabili Lema pekee yake anayodaiwa kuhamasisha maandamano.

Waandishi walioonja adha ya askari jana ni Janeth Mushi (MTANZANIA) na Lilian Joel (Uhuru).

Walijikuta wakikumbwa na mkasa huo saa 2:28 asubuhi wakati Lema alipokuwa akishushwa kwenye gari la magereza lenye namba za usajili MT 0040.

Licha ya kujitetea na kuonyesha kibali cha kupiga picha kilichotolewa na mtendaji wa mahakama na kujitambulisha, bado askari hao zaidi ya sita waliwafuata na kuwatisha kwa bunduki wakitaka wapotee eneo hilo.

Ili kujinusuru, waandishi hao walikimbia moja kwa moja hadi kwa Hakimu Mkazi, Nestory Baro aliyekuwa anaingia eneo hilo.

Baada ya askari hao kumuona hakimu huyo, walirudi kwenye gari lao.

Pia kelele za kuwaondoa waandishi eneo hilo, zilisababisha Hakimu Mkazi Mfawidhi, Augustine Rwizile kutoka ofisini kwake na kwenda kusimama nje ya mlango ili kushuhudia tukio hilo.

Hakimu Baro aliyekuwa tayari amewanusuru wanahabari, alilazimika kuongozana nao hadi kwa Hakimu Mkazi Mfawidhi kuwasikiliza.



HAKIMU AKERWA

Akizungumzia malalamiko hayo, Hakimu Mkazi Mfawidhi Rwizile alisema ataandika barua kwa Mkuu wa Magereza Mkoa wa Arusha na Kamanda wa Polisi (RPC), kuwaelezea tabia za baadhi ya askari wanaowabughudhi waandishi wa habari na kuwafanya washindwe kutimiza wajibu wao.

“Nilikuwa hapa ofisini nikasikia kelele za askari magereza, nikasema ngoja nitoke niangalie kinaendelea nini nje. Nimeshuhudia kitendo walichowafanyia na ndiyo maana mmekuta nazungumza na kiongozi wao ili awaeleze vijana wake taratibu za kufanya kazi hapa mahakamani.

“Hapa si polisi wala magereza, huu ni mhimili unaojitegemea. Kama kuna sababu za kiusalama walipaswa kuleta taarifa kwa uongozi wa mahakama. Sasa kiongozi wao anadai baadhi ya askari ni wale wanaoleta watuhumiwa wa kesi za mabomu, kwahiyo wamezoea ku-treat watu vibaya,” alisema.

Tangu kufikishwa mahakamani kwa Lema, uhusiano wa waandishi wa habari, askari magereza na polisi umeyumba, hususani wanapokuwa wakipiga picha au kuingia ndani ya chumba cha mahakama.



KESI ZA LEMA

Katika hatua nyingine, upande wa Jamhuri, unatarajia kuwa na mashahidi watano katika kesi namba 352 ya mwaka 2016 ya uchochezi kwa kuhusisha watu kukusanyika na kufanya maandamano kinyume cha sheria inayomkabili Lema.

Mbele ya Hakimu Mkazi Mfawidhi wa Mahakama ya Hakimu Mkazi Arusha, Hakimu Agustino Rwizile, Wakili wa Serikali, Fortunatus Mhalila, aliwataja mashahidi hao kuwa ni Mkuu wa Upelelezi wa Makosa ya Jinai Mkoa wa Arusha (RCO), George Katabazi, ASP Damas Masawe (OC- CID), Adam Nyamiti, WP 6826 Ester Yohana na Ezekiel Kwayu kutoka Kitengo cha Upelelezi cha Makosa ya Jinai makao makuu Dar ss Salaam na kuwasilisha vielelezo kadhaa mahakamani hapo ambavyo wakili hakuvitaja.

Awali akimsomea hoja za awali za kesi hiyo, Wakili Mhalila alidai tarehe isiyojulikana kati ya Agosti mosi hadi 26, mwaka huu, Lema akiwa mbunge na kiongozi wa Chadema, alirekodi na kusambaza ujumbe mfupi ‘audio’, kupitia mitandao ya kijamii ‘whatsapp’, kuhamasisha watu kukusanyika na kufanya maandamano yasiyo na kikomo kuanzia Septemba mosi, mwaka huu.

Alidai kuwa Lema alihamasisha watu kutenda kosa hilo la jinai na baada ya taarifa hizo kumfikia RCO, aliamuru kukamatwa kwa mshtakiwa huyo.

Lema alikana kutenda kosa hilo na kesi hiyo iliahirishwa hadi Desemba 2, mwaka huu itakapoanza kusikilizwa kwa mawakili wa Serikali kuleta mashahidi mahakamani hapo.



KUMKASHIFU GAMBO

Wakati huo huo, kesi namba 351 ya uchochezi kwa kutoa kauli za kukashifu dhidi ya Mkuu wa Mkoa wa Arusha, Mrisho Gambo, inayomkabili Lema na mke wake Neema Lema, imeshindwa kuendelea jana baada ya Neema kushindwa kufika mahakamani.

Katika kesi hiyo, watuhumiwa hao walikuwa wasomewe hoja za awali za shtaka linalowakabili.

Mdhamini wa Neema, Happiness Charles, alidai mahakamani hapo kuwa mshtakiwa yuko Dar es Salaam katika Mahakama ya Hakimu Mkazi Ilala akitarajiwa kutoa ushahidi katika kesi ya jinai namba 219.

Wakili Mallya, aliiomba mahakama hiyo kupokea nakala ya hati ya wito kutoka katika mahakama hiyo.

Kutokana na hali hiyo, aliiomba mahakama hiyo kuahirisha kesi hiyo hadi atakapokuwapo mshtakiwa huyo ili asomewe hoja za awali.

Kesi hiyo iliahirishwa hadi Desemba 21, mwaka huu.

 

Toa comment yako.

 

Melania kumpiku Michelle Obama

 

 

MKE wa Rais mteule wa Marekani, Donald Trump, Melania (46).

MKE wa Rais mteule wa Marekani, Donald Trump, Melania (46) anaingia Ikulu baada ya mumewe kushinda urais wa Marekani kwa kura 276 za wawakilishi wa majimbo dhidi ya Hillary Clinton 218.

Melania anakuwa ‘first lady’ akiwa na sifa za kipekee tofauti na watangulizi wake akiwemo Michelle Obama ambaye mumewe anamaliza muda wake.

Wachambuzi wa masuala ya mitindo wanamwona Melania kuwa ana nafasi ya kufanya vyema katika mitindo, akiwa ni ‘first lady’ kwa kuwa aliwahi kuwa mwanamitindo.

Wapo pia ambao wanakwenda mbali zaidi na kumwona kuwa ‘first lady’ huyo anaweza kumpiku Michelle katika suala zima la mwonekano wa mavazi yaliyobuniwa kwa uwezo wa hali ya juu.

Tofauti ya Melania na Michelle ambao wote wanapenda mavazi ya kisasa, ni kwamba mwanamama huyo anapenda zaidi rangi zilizotulia kama nyekundu, nyeupe au nyeusi, huku Michelle akionekana kupenda rangi mchanganyiko na wote wanapenda zaidi wabunifu kutoka Marekani.

Wote wawili wanapovaa baadhi ya nguo zao huvuta macho ya watu kutokana na namna zinavyobuniwa.

Usiyoyajua mengine kwa Melania ni kwamba ni fist lady’ wa kwanza kuolewa mke wa tatu ambaye alifunga ndoa na Trump mwaka 2005 ambako kabla yake alikuwepo Marla Maples aliyekuwa mtangazaji na mama wa Tiffany  aliyeolewa mwaka 1990.

Katika mitandao mbalimbali ikiwemo Daily na USA today inamwelezea Melania na Trump
kuwa walikutana wakati mfanyabiashara huyo akiwa na mkewe wa kwanza,  
  Czechoslovakian Ivana Zelnickova ambaye wana watoto watatu Ivanka, Eric na kaka yao Donald Trump Jr ambaye ana miaka 38, akiwa na tofauti ya miaka nane na mama yake wa kambo Melania.

 Jambo jingine ni kwamba harusi ya Trump na Melania wakati huo ilihudhuriwa na Bill Clinton na Hillary ambao walikuwa miongoni mwa wageni 350.

Melania ambaye ni ‘first lady’ wa kwanza kuzaliwa nchi ya Kikomunisti huko Yugoslavia, ni wa pili pia kutoka ng’ambo baada ya Louisa Adams ambaye alikuwa mke wa rais wa sita John Quincy. Melania anazungumza lugha tano ikiwemo Kislovenia, Kiingereza, Kifaransa, Kisebia na Kijerumani.

Pamoja na sifa hizo, Melania anakuwa ni ‘first lady’ pekee aliyewahi kupiga picha za uchi katika kazi yake ya mitindo, ikiwa ni miaka mitatu kabla hajakutana na Trump.

Katika malezi, Melania anamlea mwanaye Barron kama Donald mdogo ambaye anatoa maamuzi hata ya kuwafukuza wafanyakazi.

Pamoja na hayo, yuko bega kwa bega na mumewe kuhusu suala la wakimbizi kuondolewa Marekani.

Toa comment zako.

Kukatikakatika kwa umeme kwayumbisha viwanda nchini

 

WAKATI Serikali ikisisitiza azma yake ya kuifanya Tanzania kuwa nchi ya viwanda, suala la umeme wa uhakika bado linaendelea kuvitesa viwanda vilivyopo ambavyo kwanza ni vichache na ni vidogo (Light industries). 

Uchunguzi uliofanywa na MTANZANIA umegundua kuwa umeme wa uhakika bado ni tatizo kwa viwanda hapa nchini, japo kumekuwa na unafuu ukilinganisha na miaka ya nyuma. Uwezo wa kuzalisha umeme nchini umeongezeka kutoka megawati 1,226.24 Aprili mwaka 2015 hadi megawati 1,461.69 Aprili mwaka huu, ikiwa ni ongezeko la megawati 235.45 ndani ya mwaka mmoja.

Pamoja na ongezeko hilo, umeme umeendelea kutokuwa wa uhakika, jambo linalotia shaka endapo azma ya Serikali ya kuifanya Tanzania kuwa ya uchumi wa viwanda inaweza kutimia.

Coast Millers ni moja kati ya viwanda vikubwa vinavyozalisha unga wa ngano kilichopo jijini Dar es Salaam ambacho uzalishaji wake unategemea sana umeme wa Tanesco. Kiwanda hicho kina uwezo wa kuzalisha unga wa ngano kufikia metriki tani 300 kwa siku.

Mkuu wa Kitengo cha Mauzo na Masoko wa kiwanda hicho, Vidya Sagar, aliliambia MTANZANIA kuwa, kiwanda hicho kinategemea umeme kutoka Tanesco kwa asilimia mia moja.

Anasema endapo itatokea umeme kukatika, huwalazimu kuzima mitambo na kusimamisha uzalishaji kwa kuwa matumizi ya jenereta ni gharama kubwa na husababisha hasara.

“Mitambo ya kuzalisha unga wa ngano inahitaji umeme mwingi, endapo umeme unakatika inakuwa vigumu kutumia jenereta kutokana na gharama kuwa kubwa,” anafafanua.

Alipoulizwa kama wanapata umeme wa uhakika alijibu: “Kipindi cha kiangazi huwa tunapata tatizo kubwa la umeme hapa kiwandani kwetu. Huenda ni kwa sababu kipindi hiki mabwawa mengi ya kuzalisha umeme na haswa Mtera yanakuwa hayana maji ya kutosha na hivyo umeme unaozalishwa kuwa mdogo,” anasema.

Anasema kipindi cha kiangazi uzalishaji hupungua na hushindwa kukidhi mahitaji ya baadhi ya wateja wao.

“Katika kipindi hiki uzalishaji hushuka kwa asilimia 20. Hata hivyo, mwaka huu kumekuwa na unafuu mkubwa katika upatikanaji wa umeme ukulinganisha na miaka ya nyuma,” anaeleza.

Kampuni ya Tan Dairies Limited ya jijini Dar es Salaam inayozalisha maziwa ya Desa, ni moja ya kampuni ambayo uzalishaji wake unategemea sana umeme wa Tanesco.

Ofisa Mtendaji Mkuu wa kiwanda hicho, Simon Swai, anasema ukosefu wa umeme wa uhakika katika hatua mbalimbali za uzalishaji wa maziwa umesababisha gharama za uzalishaji kuongezeka na kuisababishia kampuni hasara.

“Maziwa ni zao linalohitaji uangalizi wa hali ya juu mara tu linapotoka kwa ng’ombe. Maziwa yanapokamuliwa yanahitaji kuhifadhiwa katika joto maalumu ambalo vijidudu (bacteria) hawataweza kuingia na kuyaharibu.

“Wakati tunapokuwa kwenye uzalishaji, mara nyingine umeme hukatika ghafla na tunakuwa hatujajiandaa. Umeme unapokatika maziwa yaliyokuwa kwenye uzalishaji huharibika na hata kama yakitoka salama hayawezi kuwa na ubora unaotakiwa na tunalazimika kuyamwaga na hivyo kutusababishia hasara,” anaeleza.

Anasema kampuni yake hukusanya maziwa vijijini kutoka kwa wafugaji. “Vituo vyetu vya kukusanya maziwa vina uwezo wa kukusanya lita 2000 hadi 3000. Nishati ya umeme inahitajika kwa ajili ya kuyahifadhi maziwa hayo yasiharibike. Katika vituo viwili vya Dumila na Kilosa tunalazimika kuwa na majenereta ya dharura ambayo uendeshaji wake ni gharama. Kwa mfano, tangu Januari mpaka sasa tumetumia Sh milioni 2.9 kwenye vituo hivyo viwili pekee kwa ajili ya mafuta ya jenereta, gharama ambazo zingeweza kuepukwa endapo kungekuwa na umeme wa uhakika,” anafafanua bila kusema wanalipa kiasi gani kwa Tanesco kwa mwezi.

Swai anabainisha kuwa, matumizi ya jenereta kupoza maziwa yakiharibika yanafanya bidhaa hiyo kutokuwa na ubora kwa sababu huchelewa kupoza na kufanya kiwango cha kuchachuka kivuke kipimo kinachotakiwa.

“Gharama tunayoibeba ni zaidi ya hapa kiwandani. Tunapompelekea mlaji nako kuna tatizo kwa sababu maduka mengi hayana jenereta kwa ajili ya dharura. Mlaji anapokuja kununua akakuta bidhaa haipo katika ubora wake au zimeharibika kutokana na kukatika kwa umeme. Ili tuendelee kufanya biashara na huyu mtu, ni lazima tuchukue bidhaa mbovu na kumpa nyingine nzuri kwa vile biashara ni ya ushindani na tusingependa kumpoteza mteja,” anaeleza kwa masikitiko.

“Kiwanda hiki kinatumia umeme wa njia tatu. Tunazo laini tatu na mashine zinaendeshwa na laini zote tatu. Kitu kinachotugharimu kwamba wakati uzalishaji unaendelea, utakuta umeme unakatika kwenye laini moja au unakatika mara kwa mara na kurejea na kusababisha kompresa zetu kuungua.

“Tatizo hili linapotokea mara kwa mara husababisha hasara. Kwa mfano, mwaka huu tumeshatumia Sh milioni 15.9 kwa ajili ya kutengeneza mashine. Pamoja na kwamba tumeweka vifaa vya kurekebisha umeme unaoingia lakini bado tatizo lipo,” anaeleza.

“Bahati mbaya katika nchi yetu hatuna mashamba mengi na makubwa ambayo yana uwezo wa kulisha viwanda vya maziwa. Bado tunategemea wafugaji wadogo wadogo ambao wapo vijijini. Ukosefu wa umeme wa uhakika vijini ni moja kati ya sababu zinazofanya tushindwe kuwekeza na kupanuka zaidi,” anasema.

Uchunguzi uliofanywa na mwandishi wa makala haya umeonyesha kuwa si viwanda vya maziwa tu vinavyoathiriwa na umeme. Kama ilivyo kwa baadhi ya mikoa hapa nchini, ukosefu wa umeme wa uhakika umekuwa ni changamoto kwa viwanda mkoani Morogoro na Tanga.

Meneja utumishi na utawala wa kiwanda cha nguo cha 21st Century kilichopo Kihonda Manispaa ya Morogoro, Flotentine Mbaga, anasema kiwanda hicho kimekuwa chachu ya kuongeza ajira kwa vijana lakini uzalishaji umekuwa ukiathiriwa na ukosefu wa umeme wa uhakika.

“Kutokana na kilichotokea kwenye gridi wakati umeme unapokatika au kucheza (flactuation), hasara inayotokea kutokana na mashine kuharibika ni kubwa. Kwa mfano Novemba 14 mwaka jana, umeme ulirudishwa kiwandani saa 3 usiku baada ya kukatika toka saa 3 asubuhi. Baada ya kuwasha mashine iligundulika kuwa pamoja na mashine nyingine nyingi zilizopata uharibifu mdogo, kuna kompresa moja iliharibika na kugharimu kiwanda Sh milioni 80 kutengeneza,” anaeleza.

Akaongeza : “Umeme unapokatika kiwanda kinapoteza mapato ya Sh milioni 5 kwa saa. Pia kuna gharama nyingine zinazotokea umeme unapokatika, kwa mfano kati ya August na Desemba 2014, kiwanda kilipoteza zaidi ya Sh milioni 270, ikiwa ni nguo, madawa na vyakula vilivyoharibika.”

Mbaraka Ahmad kutoka Kiwanda cha kutengeneza mikate cha Baraka Bakery kilichopo Msamvu mjini Morogoro, anasema kukatikakatika kwa umeme wakati wakiwa katikati ya uzalishaji kumekuwa kukiwasababishia hasara kubwa na isiyo ya lazima.

“Umeme unapokatika tunalazimika kununua lita 30 za mafuta kwa ajili ya kuendeshea jenereta, gharama ambazo zingeweza kuepukika kama kungekuwa na umeme wa uhakika,” anaeleza

Mbaraka.

Anasema ni muhimu kwa Tanesco kutoa taarifa wakati wanapotaka kukata umeme na wanapokata umeme ili kuepusha hasara zinazoweza kuzuilika kwa sababu umeme unapokatika bila taarifa na kurudi kwa kasi, husababisha mitambo kuungua na bidhaa zinazotengenezwa kuharibika.

Hata hivyo, katika jitihada za kuifanya Tanzania kuwa na umeme wa uhakika, Wizara ya Nishati na madini imetenga asilimia 94 ya bajeti yake ya mwaka huu wa fedha kwa maendeleo ikiwamo miradi ya umeme.

Kule Tanga Kiwanda cha Tanga Cement kimezima kinu kimoja baada ya kuzindua kinu kipya, kwani umeme uliopo hautoshelezi kuendesha kinu cha ziada na hivyo kuomba waongezewe umeme kwa miezi sita iliyopita bila mafanikio.

Kwa kifupi hali ni mbaya, umeme hautoshi nchini na Serikali itumie sekta binafsi na si kuwanyanyapaa kama inavyofanya kwani itakuwa shida kufikia malengo bila wao.

Waziri wa Nishati na Madini, Profesa Sospeter Muhongo, amewahi kunukuliwa akisema kuwa, ifikapo mwaka 2025, Tanzania itakuwa ikizalisha megawati 10,000 za umeme kutoka megawati 1,500 zinazozalishwa kwa sasa, bila ya kuainisha atafikiaje lengo hili na hivyo kuaminika ni kuwa alinacha au ni porojo za kisiasa kwa kusema watu wanayotaka kusikia na bila kutekeleza chochote kwani hakuna kinachoshindwa na mdomo.

Anasema hatua hiyo itasaidia nchi kuwa ya viwanda kwani kufikia muda huo, kila Mtanzania ataweza kupata uniti 3,000 za umeme kwa mwaka kutoka uniti 130 za sasa. Yakitokea ni habari njema kwa watu na uchumi wa nchi hii. Tusubiri ingawa hakuna mipango!

 

Toa comment zako.

 

Biashara kuuziana umeme Afrika Mashariki kizungumkuti

 

Mpango wa kuuziana umeme Afrika Mashariki unaonekana kukwana kutokana na sababu mbalimbali na kusababisha miradi ya viwanda katika nchi hizo kushindwa kuanza kwa kukosa nishati ya umeme. 

Sababu za kuleta hali hiyo ni nyingi lakini kubwa ni ile ya kukwama miradi ya kuzalisha umeme kuchelewa kukamilika na zingine ni ukame, kuchelewa kusaini mikataba na kukosa fedha za kuendeleza miradi husika na vilevile kukosa hisani za wafadhili.

Kutokana na ukata Rwanda, Kenya na Uganda itabidi wasubiri sana kabla hawajaanza kufanya biashara rasmi ya kuuziana umeme kwa kukosa umeme wenyewe kwani miundombinu yake haijakamilika na haijulikani lini itakuwa tayari.

Kule Rwanda makandarasi bado hawajakamilisha ujenzi wa vituo vya kupozea umeme na ile ya nyaya za umeme mkubwa (higher voltage lines) kutokamilika na kufanya tarehe ya kuanza mwaka jana kusogezwa mbele mwaka huu Aprili na sasa wahusika hawasemi lini utakamilika kwani bado.

Mradi huo wa umeme ni sehemu ya Miradi ya utangamano (Coalition of the Willing) kwa kile kinachoitwa Miradi ya Miundo mbinu ya Korida ya Kaskazini ya Afrika Mashariki inayohusu nchi hizo tatu, Sudan na Ethiopia.

Mkuu wa Uganda Electricity Transmission Company Ltd Erias Kiyemba alisikika na vyombo vya habari akisema kuwa makandarasi wamekuwa kikwazo kikubwa cha miradi ya nishati kwa nchi zote tatu na hivyo kukwamisha shughuli za biashara ya kuuziana umeme.

“Lazima miundombinu ikamilike kwanza kwani nishati haiwezi ikaruka,” alisema Elias Kiyemba.

Kwa kifupi miradi bado ni vipande vipande kwani Rwanda imemaliza kujenga nyaya za umeme mkubwa wa 220 kv ya kuunganisha ummeme kutoka Uganda ya Magharibi wakati Kagitumba –Mirama hadi Shango ulimalizika mwaka jana mwezi Oktoba na mipango iliyopo sasa ni kukamilisha shughuli hiyo mwishoni mwa mwaka huu.

Kwa ujumla miradi hiyo imekamilika kwa asilimia 90 baada ya kandarasi kuamriwa aongeze juhudi ya kazi na kukamilisha mapema iwezekanavyo.

Mkandarasi wa Uhandisi toka Spain Isolux Ingenieria, kampuni iliyopewa kazi kujenga umeme na hizo nyaya kuu na vituo vya kupoza haikuwa wazi kuelezea kwa nini mradi unasuasua.

Lakini minong’ono kwenye sebule za madaraka inasema kampuni hiyo imezidiwa kazi kwani inakazi pia huko DR Congo, Uganda na Tanzania .

Kutokana na ripoti ya Benki ya Dunia ni kwamba Rwanda ndio inapata matatizo mengi ya kukatika umeme zaid ya mara 14 kwa mwezi na hivyo miradi hiyo ni muhimu kwa uchumi wake na ushindani wa kibiashara katika eneo hili. Matatizo huwa makubwa zaidi katika kipindi cha Juni hadi Agosti ambapo ukame huwa mkubwa na mahitaji ya umeme kuwa makubwa zaidi.

Hali katika nchi nyingine Afrika Mashariki sio nzuri sana ambapo Burundi na Tanzania umeme hukatika mara 12 wakati Uganda mara 11 na Kenya mara 7 kwa mwezi. Lakini ripoti hiyo haianishi lini ilifanyika kwani kuna uboreshaji mkubwa wa upatikanaji umeme Tanzania.

Utegemezi wa umeme wa maji Tanzania umepungua kutoka asilimia 70 hadi 20 wakati Rwanda inategemea mafuta mazito kwa asilimia arobaini na gesi asilia kutoka Ziwa Kivu na mitambo midogo ya sola huchangia kidogo na kufanya umeme wa maji uwe na mchango wa asilimia 50.

Kuagiza umeme kutoka nje ni suluhisho muafaka kwa Rwanda na hivyo kadiri mpango wa mauzo unavochelewa unakera kwa kila mhusika. Kimipango Rwanda iliazimia kuagiza umeme wa MW15 kutoka Uganda, MW 30 toka Kenya na MW 400 toka Uhabeshi ili kukidhi mahitaji yake ya sasa na baadaye.

Uhabeshi (Ethiopia) inaonesha kwa muda mrefu itakuwa na ziada ya umeme na kutokana na hilo Tanzania imetiliana saini nayo ya kuuziwa umeme wa MW 400 wakati ikiendelea kujenga mitambo ya kuchakata umeme wa kutumia gesi asilia sehemu mbalimbali za nchi.

Mwaka jana pekee Uhabeshi ilipata jumla ya dola milioni 123 kutokana na mauzo ya umeme kwa nchi mbalimbali kutokana na umeme kutoka maji ya Mto Nile katika miezi nane ya 2015/2016 na kuonekan kuwa ni biashara nzuri kwani inalipa.

 

Toa comment zako.

 

Wananchi wafunga mgodi wa Tanzanite

 

SHUGHULI za uzalishaji na uchimbaji wa madini ya Tanzanite katika mgodi wa Kampuni ya Sky Associate, zamani Tanzanite One katika mji wa Naisinyai Mirerani wilayani Simanjiro mkoani Manyara, zimesimama kwa siku nzima jana baada ya wananchi kufunga mageti ya ofisi za mgodi huo. 

Wananchi hao waliowasili kwenye mgodi huo saa 10 alfajiri jana, walisababisha wafanyakazi waliokuwa wakibadilishana zamu kushindwa kuingia kazini kutokana na mageti kufungwa.

Hatua hiyo ya kufungwa milango na wananchi kushinda getini, ililazimu Jeshi la Polisi kufyatua mabomu ya machozi kwa lengo la kuwatawanya, lakini hatua hiyo haikufanikiwa kuwaondoa kwenye eneo hilo.

Hata hivyo, wakati askari wakifyatua mabomu, baadhi ya wananchi hususani wa kabila la Wamasai, walikuwa wakiwaeleza polisi kuelekeza mabomu hayo upande wao na si kufyatua kuelekea hewani.

Kuwapo kwa mgogoro huo kulisababisha uongozi wa Mkoa wa Manyara kufika kwenye eneo hilo wakiongozwa na Katibu Tawala wa Mkoa, Eliakimu Maswi, Mkuu wa Wilaya ya Simanjiro, Zephania Chaula pamoja na Kamanda wa Polisi Mkoa wa Manyara, Fransis Massawe.

Wakizungumza kwa nyakati tofauti katika eneo hilo, baadhi ya wananchi walidai kuwa tangu Kampuni ya Sky Associate ichukue uendeshaji wa mgodi huo, hakuna makubaliano ya shughuli za kijamii yaliyotekelezwa.

Wananchi hao waliyataja baadhi ya madai yao kuwa ni suala la ajira kwa wakazi wa kijiji hicho, uchangiaji wa huduma za kijamii kwa kijiji, tatizo la maji pamoja na suala la kupatiwa viroba vinane vya mchanga wa kuchambua kwa ajili ya wananchi wa Kijiji cha Naisinyai.

Akizungumza kwa niaba ya wenzake, Mwenyekiti wa Kijiji cha Naisinyai, Taiko Laizer, alisema uongozi mpya wa kampuni hiyo haujatekeleza ahadi zake na wameshindwa kukutana na Serikali ya kijiji kwa zaidi ya miaka miwili sasa.

Akitoa ufafanuzi wa madai hayo mbele ya Maswi, wakurugeni wa kampuni hiyo walikiri kuwapo kwa tatizo lililochangiwa na ufinyu wa mawasiliano.

Wakizungumza kwa nyakati tofauti kwenye kikao hicho, wakurugenzi wa Sky Associate, Faisal Shabhai na Hussein Gonga, walikiri kuwapo upungufu katika utekelezaji wa ahadi kadhaa kutokana na hali ya fedha katika kampuni hiyo.

Gonga alisema walikuwa wakikabiliwa na madeni waliyorithi zaidi ya Sh bilioni 12 na Mamlaka ya Mapato Tanzania (TRA) na Mfuko wa Pensheni wa NSSF na wamelipa kiasi kikubwa cha madeni hayo. Baadaye waliahidi kutekeleza maazimio yote yaliyofikiwa katika kikao hicho.

Aidha walikubali ndani ya wiki moja kutoa kiasi cha Sh milioni 40 kama ahadi ya ujenzi wa madarasa, kuajiri watu 20 wa Kijiji cha Naisinyai.

Akizungumza katika kikao hicho, Maswi aliwataka viongozi wa Tanzanite One, kuimarisha uhusiano mwema na vijiji vinavyowazunguka pamoja na kuheshimu mikataba na Serikali za vijiji.

 

Toa comment zako.

 

Mpemba wa meno ya tembo kortini

 

MFANYABIASHARA Yusuf Ali Yusuf, maarufu ‘Mpemba’ na wenzake watano, wamefikishwa mahakamani kwa tuhuma za kukutwa na meno ya tembo yenye thamani ya Sh milioni 392.8.

 

 Jamhuri imeweka wazi mbele ya Hakimu Mkazi Mkuu, Thomas Simba, kwamba inatarajia kuihamishia kesi hiyo katika Mahakama ya Rushwa na Uhujumu Uchumi (Mahakama ya Mafisadi), baada ya kuwasomea washtakiwa maelezo.

 

 Mpemba na wenzake, walifikishwa Mahakama ya Hakimu Mkazi Kisutu, Dar es Salaam jana wakikabiliwa na mashtaka manne ya uhujumu uchumi.

 

Akiwasomea mashtaka, Wakili wa Serikali, Paul Kadushi, aliwataja washtakiwa kuwa ni Mpemba, Charles Mrutu maarufu Mangi Mapikipiki na Mangi Mpare, Ahmed Nyagongo, Pius Kulagwa, Benedict Kungwa na Jumanne Chima, maarufu Jizzo au JK.

Kadushi alidai washtakiwa katika tarehe tofauti kati ya Januari 2014 na Oktoba 2016 maeneo ya Dar es Salaam, Morogoro, Iringa, Tanga na Mtwara, kwa pamoja na wenzao ambao hawapo mahakamani, walikutwa wakijihusisha na biashara ya nyara za Serikali. 

Inadaiwa washtakiwa walikutwa na meno 50 ya tembo ambayo ni sawa na tembo 25, yenye thamani ya Sh 392,817,600 mali ya Jamhuri ya Muungano ya Tanzania bila kibali.

Shtaka la pili, washtakiwa wanadaiwa Oktoba 26, mwaka huu maeneo ya Mbagala Zakhem wilayani Temeke, walikutwa na meno 10 ya tembo yenye uzito wa kilo 13.85 yakiwa na thamani ya Sh 65,469,600.

Katika shtaka la tatu, washtakiwa hao wanadaiwa Oktoba 27, mwaka huu maeneo ya Tabata Kisukulu, walikutwa na meno manne ya tembo yenye uzito wa kilo 11.1 yakiwa na thamani ya Sh 32,734,800 bila kibali.

“Mheshimiwa hakimu, shtaka la nne, washtakiwa wote wanadaiwa Oktoba 29, mwaka huu, maeneo ya Tabata Kisukulu, bila kibali walikutwa na meno 36 ya tembo yenye uzito wa kilo 58.55 yakiwa na thamani ya Sh 294,613,200,” alidai.

Mpemba (35) mkazi wa Tegeta, Charles (37) mkazi wa Mlimba Morogoro, Benedict (40), mkazi wa Mbagala Chamazi, Jumanne (30) mkazi wa Mbezi Msakuzi, Ahmed (33) mkazi wa Vikindu Mkuranga na Pius (46) mkazi wa Temeke, baada ya kusomewa mashtaka hawakutakiwa kujibu.

Washtakiwa hawakutakiwa kujibu kwa sababu mahakama hiyo haina mamlaka ya kusikiliza kesi hiyo.

Wakili Kadushi aliifahamisha mahakama kuwa upelelezi umekamilika, wanaomba wapewe muda wa kuandaa maelezo ya kesi kisha waihamishie Mahakama ya Rushwa na Uhujumu Uchumi.

Kesi hiyo mpya ambayo ni ya kwanza kuhamia katika mahakama hiyo, iliahirishwa na Hakimu Simba hadi Desemba mosi kwa ajili ya kutajwa. 

Toa comment zako.

 

Waathirika tetemeko la ardhi mkoani kagera wapewa mabati, saruji

 

MAKUNDI ya wasiojiweza ambao ni waathirika wa tetemeko la ardhi mkoani Kagera wameanza kupatiwa msaada wa mabati 20 kwa kila kaya na mifuko mitano ya ya saruji. 

Hatua hiyo imechukuliwa kwa wananchi hao katika wilaya sita za mkoa huo kwa kuanza na wazee, walemavu, wajane na watu wasiojiweza.

Mkuu wa Mkoa huo Meja Jenerali mstaafu, Saalim Kijuu alifanya uzinduzi juzi wa ugawaji wa vifaa hivyo katika ofisi ya Kata ya Kashai katika Manispaa ya Bukoba.

Alisema vifaa vya ujenzi kwa makundi hayo utafanyika katika wilaya za Muleba, Misesenyi,Karagwe, Manipaa ya Bukoba na Bukoba Vijijini.

Alisema hatua ya awali imegawa kaya 200 kati ya kaya 370 kwa kuanzia mtaa wa Rwome na Kijiji cha Ibosa katika kata ya Nyakato.

Aneth Kiiza, mkazi wa mtaa wa Rwome Kata Kashai akizungunza kwa niaba ya mama yake imelda Kiiza (95), alisema aliwashukuru viongozi kwa msaada huo.

Alisema nyumba aliyokuwa akiishi mama huyo ilianguka ukuta upande wa kulia na kushoto na walikosa maeneo ya kuishi kwa muda mrefu.

Kiiza alisema misaada aliyopewa mama yake itasaidia kupata angalau chumba kimoja cha kuishi.

Alisema mama yake hana uwezo wa kujijengea nyumba kutokana na hali yake ya uchumi kuwa duni.

Pia alisema kuwa gharama za ujenzi wa nyumba nzima ni Sh milioni 4.8, fedha ambazo hana.

Diwani wa Kata ya Kashai, Nurulhuda Kabaju (Chadema), alisema yanapotokea matatizo kama ya tetemeko la ardhi watoto wawakumbuke wazazi wao kwa kutoa misaada ya hali na mali.

Khafisa Khamis (75) mkazi wa Kijiji cha Ibosa Kata Nyakato ambaye ni mjane alisema nyumba yake ilipasuka kila kona hivyo anaishukuru serikali kwa kumpatia mifuko mitano ya saruji na mabati 20.

 

Toa comment.

 

Ujerumani yatoa bilioni 26.4 kusaidia wakimbizi Kigoma, Kagera

Balozi Hassan Simba

Serikali ya Ujerumani kupitia ubalozi wake hapa nchini imetoa msaada wa shilingi bilioni 26.4 kusaidia wakimbizi walioko katika mikoa ya kanda ya ziwa kama vile Kigoma na Kagera.

 

Kwa mujibu wa Balozi wa Ujerumani hapa nchini, Egon Kochanke, fedha hiyo itatengwa mara mbili ambapo kiasi kitapelekwa Shirika la Wakimbizi Duniani (UNHCR) na nyingine Shirika la Chakula Duniani (WHO). 

 

“Fedha hizi tumezitenga kwenye mafungu haya kwa sababu kila shirika moja lina majukumu yake kwa wakimbizi, Mfano; WHO lenyewe ni kwa ajili ya kuhudumia chakula na UNHCR linashughulikia mambo mengine kama Afya na usalama,” alisema Kochanke. 

 

Kwa upande wake, Naibu Katibu Mkuu Mambo ya Ndani ya Nchi, Balozi Hassan Simba, alisema Tanzania kwa kushirikiana na nchi mbalimbali zinaendelea kushirikiana ili kuhakikihisha wakimbizi wanapungua.

 

 

Wakimbizi wa Sudan Kusini waeleza ukatili wanaofanyiwa na vikosi vya Serikali

 

Wakimbizi raia wa Sudan Kusini waliokimbilia nchini Uganda, wameelezea namna walivyolazimika kukimbia kuuawa kutoka kwenye mikono ya wanajeshi wa Serikali huku wakikwepa pia kuingia kwenye mikono ya wapiganaji wa waasi.

Mamia kwa maelfu ya raia wamelikimbia taifa hilo jipya kabisa duniani, toka kuzuka kwa mapigano mapya kwenye jiji kuu la nchi hiyo, Juba, mwezi Julai mwaka huu, kufuatia makabiliano ya wanajeshi wa Serikali na wale wa kiongozi wa waasi Riek Machar.

 Magharibi mwa nchi hiyo kwenye mji wa Yei, sehemu ya wanajeshi wa Serikali, wanatumia mapanga kuua raia, wakiwatuhumu kuwa wanataka kujiunga na vikosi vya waasi.

 "Kama wiki mbili zimepita, wanajeshi walikuja kwa kaka yangu Emmanuel usiku na kumtaka afungue mlango," alisema Abraham Aloro, kijana mwenye umri wa miaka 20 ambaye alikuwa mkulima wa tumbaku kwenye mji huo.


Mji huo ambao uko umbali wa kilometa 50 na mpaka wa nchi ya Uganda, umekuwa ni sehemu ya makabiliano kati ya vikosi vitiifu kwa Rais Salva Kiir na vile vya kiongozi wa waasi Riek Machar ambaye sasa anaishi uhamishoni.

"Walikuwa wanamtuhumu kujiunga na waasi," alisema Aloro. "Hakuwa hivyo kaka yangu lakini walimkatakata hadi kufa, tuliona mwili wake ilipofika asubuhi".

Baada ya kuhisi usalama wake nao uko hatarini, Aloro aliamua kukimbilia kwenye kambi ya wakimbizi ya Kuluba iliyoko kaskazini mwa nchi ya Uganda, kambi ambayo iko umbali wa kilometa 7 na mpaka wa Sudan Kusini.

Kwa wastani wakimbizi wanaokadiriwa kufikia 2400 wanawasili Uganda wakitokea Sudan Kusini kila siku, watu hawa wanakimbia machafuko ya kisiasa ambayo yalifuatiwa na kuvunjika kwa makubaliano ya amani kati ya rais Kiir na Machar.

Zaidi ya wakimbizi laki 3 na elfu 30 waliwasili nchini Uganda mwaka uliopita.

Katika hatua nyingine, umoja wa Mataifa umeonya kuhusu uwezekano wa nchi hiyo kukumbwa na mauaji ya kimbari na kwamba huenda hata wanajeshi wa kulinda amani walioplekwa nchini humo wakashindwa kudhibiti mapigano ikiwa yatatokea.

Umoja wa Mataifa unazitaka pande zinazohasimiana nchini Sudan Kusini kusitisha mapigano na kuhubiri amani, huku ukisisitiza umuhimu wa kupelekwa kwa kikosi maalumu cha kukabiliana na wanajeshi au waasi watakaoanzisha mapigano.




Naomba  comment zako .

Mito tunayolalia inavyoweza kuhusika kueneza magonjwa mbalimbali

 

Dr. Isaac Maro amefafanua kuhusu utafiti uliotolewa hivi karibuni ukidai kuwa mito tunayolalia inahusika kueneza magonjwa mbalimbali.

  

>>>’Sidhani kama inahitaji utafiti kugundua ili, nikikuliza mara ya mwisho kubadilisha mto wako wengi hamkumbuki, mto huwa unachukua vitu vingi kutoka mwilini mwako kama hujawahi kubadilisha mto maana yake vimelea vilivyosababisha upate mafua mwezi uliopita viko kwenye huo mto kwa hiyo kuna uwezekano mkubwa wa yale maradhi uliyougua mwezi uliopita yakakurudia’

>>>’aidha kama watu wengi wanatumia mto huo wanaweza kuacha vimelea vya maradhi na vinaweza vikakuleta maradhi’

Majibu ya Cheki Budi kuhusu mtoto anayedaiwa ni wake

 

Leo November 15 2016 Heka Heka ya Leo Tena ndani ya Clouds FM imefanya muendelezo wa hekaheka ya jana iliyohusu mtoto ambaye alifika katika Studio za Clouds FM siku ya Ijumaa November 11 2016 na kukutana na Geah Habibu akiomba kukutanishwa na baba yake mzazi ambaye ni msanii wa Bongo Movie aitwaye Cheki Budi.

Heka Heka ilizungumza na mama mzazi wa wa binti huyo ambaye ameeleza kuwa alikuja Dar es salaam kwa mara ya kwanza mwaka 2005 akiwa ni mke wa mtu na alikaa kwa siku 9 tu na wakati akikaribia kuondoka alienda Club ambako alikutana na mwanaume ambaye anatajwa kuwa ni Cheki Budi ambaye muigizaji wa Bongo Movie na ni siku hiyo hiyo alipata ujauzito.


Sasa Leo Geah Habib amempata Cheki Budi kazungumzia kuhusu yeye kudaiwa kuwa yule ni mtoto wake, Cheki Budi amesema……

>>>’nipo tayari kuonana naye, ikiwa maelezo hayajanitosheleza nitapima DNA kama mtoto ni wa kwangu mimi nitampokea, hivi kweli mimi nitakumbuka miaka 11 iliyopita halafu mtu mwenyewe anasema ametembea na mimi siku moja’.

Mwanamke aliyekaa siku nzima kwenye Jeneza ili kupata uzoefu wa kifo.

 

Imetokea Brazil na Mwanamke mwenyewe anaitwa Vera Lucia da Silva na umri wake ni miaka 44 ambapo aliamua kukaa kwenye jeneza siku nzima ili apate uzoefu wa mazingira ya kifo ili siku akifa asiwe mgeni na Jeneza.

 

List ya wasanii watakao perfom kwenye tuzo za AMAs 2016

 

Katika list ya tuzo kubwa zinazotolewa kwa wanamuziki duniani huwezi kuacha kutaja American Music Awards ambazo hutolewa kila mwaka kwa mastaa wakubwa wa muziki Marekani, tukio hilo ambalo lipo kwenye maandalizi sasa hivi na tuzo hizo kutolewa usiku wa Nov 20 2016 ambazo zitaonyeshwa live kwenye kituo cha ABC.



Na tayari list imetoka ya wasanii wa marekani watakaotoa burudani kwenye jukwaa la usiku wa tuzo hizo za AMAs 2016 ambapo watakuwepo wasanii hawa.

The Weekend

John Legend

Ariana Grande & Nick Minaj

Shawn Mendes

James Bay

Fifthy Harmony

Lady Gaga

Bruno Mars

Twenty one Pilots

Green Day

Chainsmokers & Halsey

 Drake ndio msanii mpaka sasahivi anayeongoza kwa kuchaguliwa kwenye vipengele 13  vya kuwania tuzo hizo akifuatiwa na Rihanna aliyeko kwenye vipengele 7, tuzo zitarushwa live ABC , Nov 20 2016 saa mbili usiku.